Hans-Peter Friedrich
_by_Sandro_Halank%E2%80%932.jpg)
Dr Hans-Peter Friedrich (* 10. Merz 1957 z Naila, Oberfranke) isch e dytsche Bolitiker (CSU), Vu Dezämber 2013 bis zue sym Ruggdritt im Jänner 2014 isch er Bundesminischter fir Ernehrig un Landwirtschaft gsii. Dervor isch er vum 3. Merz 2011 bis zum 17. Dezämber 2013 Bundesinneminischter gsii un syt 30. Septämber 2013 kommissarische Bundesminischter fir Ernehrig, Landwirtschaft un Verbruucherschutz. Vu 2005 bis 2011 isch dr Friedrich stellverdrättende Vorsitzer vu dr CDU/CSU-Bundesdagsfraktion un vu Oktober 2009 bis Merz 2011 CSU-Landesgruppevorsitzer gsii.
Läben un Beruef
[ändere | Quälltäxt bearbeite]Dr Hans-Peter Friedrich isch anne 1957 z Naila as Suhn vun eme Verwaltigsaagstellten uf d Wält chuu. Noch em Abitur 1978 am Gymnasium z Naila het dr Friedrich zerscht vu 1978 bis 1979 dr Wehrdienscht abglaischtet un het derno ab 1979 e Studium vu dr Rächtswisseschaft an dr Universitete Minche und Augschburg absolviert, wun er anne 1983 mit em erschte juristische Staatsexamen abgschlosse het. Noch em Referendariat het er 1986 s zwait juristisch Staatsexame bstande. An dr Universitet Augschburg het er 1984 bis 1986 (Vordiplom) Wirtschaftswisseschafte studiert un derno vu 1986 bis 1988 Volkswirtschaftslehr an dr Färnuniversitet Hagen (ohni Abschluss). Anne 1988 het er an dr Universitet Augschburg promoviert zum Dr. jur. mit dr Arbet Die Testamentsvollstreckung an Kommanditanteilen.[1]
Anne 1988 isch dr Friedrich as Regierigsrot in dr Dienscht vum Bundesminischterium fir Wirtschaft yydrätte. Im Johr 1990 isch er zue dr Wirtschaftsabdailig vu dr Dytsche Botschaft z Washington abgordnet wore.
Dr Hans-Peter Friedrich isch evangelisch-lutherisch,[2] ghyrote mit dr Richteri Annette Friedrich un het mit ere drei Chinder.
Bolitik
[ändere | Quälltäxt bearbeite]Bartei
[ändere | Quälltäxt bearbeite]Anne 1973 isch dr Friedrich Mitglid vu dr Junge Union wore un 1974 Mitglid vu dr CSU. Vu 1999 bis zum Ruggdritt vum Karl-Theodor zu Guttenberg 2011 isch dr Friedrich stellverdrättende Vorsitzer vu dr CSU Oberfranke gsii. Im Juli 2011 isch er zum neie Bezirksvorsitzer gwehlt wore, kommissarisch het er des Amt scho syt Merz 2011 uusgiebt.
Ab 1991 isch er wisseschaftlige Mitarbaiter vu dr CDU/CSU-Bundesdagsfraktion un ab 1993 persenlige Referänt vum CSU-Landesgruppevorsitzer Michael Glos wore.
Abgordnete
[ändere | Quälltäxt bearbeite]Syter anne 1998 isch dr Friedrich Mitglid vum Dytsche Bundesdag. Do isch er vu 1999 bis 2002 stellverdrättende Vorsitzer vum Untersuechigsuusschuss Barteispände un vu 2002 bis 2004 vum Untersuechigsuusschuss Wahlbetrug gsii. Vu 2002 bis 2005 isch dr Friedrich au no Juschtiziar vu dr CDU/CSU-Bundesdagsfraktion gsii.
Am 29. Novämber 2005 isch er zum stellverdrättende Fraktionsvorsitzer fir d Beraich Verchehr, Böu, Stadtentwicklig; Turismus; Kommunalbolitik gwehlt wore.
Dr Hans-Peter Friedrich isch anne 1998 iber d Landeslischt Bayern un derno alliwyl as diräkt gwehlte Abgordnete vum Wahlchrais Hof in Bundesdag yyzoge. Bi dr Bundesdagswahl 2009 isch er dert uf 46,5 % vu dr Erschtstimme chuu. Im Bundesdag isch dr Friedrich ais vu zwelf Mitglider vum Wahluusschuss, wu d Helfti vu dr Richter vum Bundesverfassigsgricht bstimmt.[3]
Noch em Wächsel vu sym Vorgänger Peter Ramsauer in s Bundesminischterium fir Verchehr, Böu un Stadtentwicklig no dr Bundesdagswahl 2009 isch dr Friedrich Vorsitzer vu dr CSU-Landesgruppe wore.
Effetligi Ämter
[ändere | Quälltäxt bearbeite]Wu dr Karl-Theodor zu Guttenberg am 1. Merz 2011 wäge re Plagiatsaffäre vum Amt vum Verdaidigungsminischter zruggdrätten isch, isch dr bishärig Inneminischter Thomas de Maizière am 3. Merz zum Noofolger vum zu Guttenberg un dr Friedrich neie Bundesinneminischter wore. Innenminister.[4]
Noch em Wächsel vu dr Ilse Aigner in di bayrisch Landesbolitik het dr Friedrich kommissarisch d Laitig im Bundesminischterium fir Ernehrig, Landwirtschaft un Verbruucherschutz ibernuu. Am 17. Dezämber 2013 isch er zum Bundesminischter fir Ernehrig un Landwirtschaft ernännt wore.
Im Zug vu staatsaawaltschaftlige Ermittlige gege dr domolig Bundesdagsabgordnete Sebastian Edathy isch im Februar 2014 bekannt wore, ass dr Friedrich in syre Funktion as Bundesinneminischter d SPD-Spitz scho im Oktober 2013 iber di laufende Ermittlige gege dr Edathy informiert ghaa het. Wu d Staatsaawaltschafte z Hannover un z Berlin aagee hän, ass wäge däm si d Yylaitig vu fermlige Ermittlige gege dr Friedrich wäge Verrot vu Dienschtghaimnis briefe, isch dr Hans-Peter Friedrich am 14. Februar 2014 vum Amt as Landwirtschaftsminischter zruggdrätte.[5]
Sunschtigs Engaschmänt
[ändere | Quälltäxt bearbeite]Dr Friedrich isch Mitglid in dr katholische Studänteverbindig Ludovicia Augsburg.[6]
Uuszaichnige
[ändere | Quälltäxt bearbeite]- 2012: Bayerischer Verdienschtorde
- 2012: Big Brother Award (Negativbryys)
- 2013: Verschlossene Auster (Negativbryys)
Weblink
[ändere | Quälltäxt bearbeite]
Commons: Hans-Peter Friedrich – Sammlig vo Multimediadateie- Hans-Peter Friedrich uf dr Syte vum Bundesminischterium vum Innere (BMI)
- Websyte vum Hans-Peter Friedrich
- Biographie beim Deutschen Bundestag
- Läbeslauf bi dr CDU/CSU-Bundesdagsfraktion
- Hans-Peter Friedrich uf abgeordnetenwatch.de
Fueßnote
[ändere | Quälltäxt bearbeite]- ↑ Permalink Deutsche Nationalbibliothek,Permalink Österreichischer Bibliothekenverbund (Site cha nüme abgrüeft wärde; Suche im Webarchiv) .
- ↑ Bundestag.de:Dr. Hans-Peter Friedrich (Hof), CDU/CSU Archivlink (Memento vom 18. Mai 2011 im Internet Archive)
- ↑ Mitglieder des Wahlausschusses. bundestag.de, archiviert vom Original am 27. November 2010; abgruefen am 1. September 2012.
- ↑ Plenarprotokoll 17/92. (PDF; 909 kB) Deutscher Bundestag, 23. Februar 2011, abgruefen am 29. Juli 2013.
- ↑ Linke und FDP fordern Friedrichs Entlassung. sueddeutsche.de, 14. Februar 2014, abgruefen am 14. Februar 2014.
- ↑ Akademische Monatsblätter – Zeitschrift des Kartellverbands katholischer deutscher Studentenvereine 10/2007 (PDF; 6,3 MB)
|
Dä Artikel basiert uff ere fräie Übersetzig vu dere Version vum Artikel „Hans-Peter_Friedrich“ vu de dütsche Wikipedia. E Liste vu de Autore un Versione isch do z finde. |